Xorazm lazgisi for PC

Siz Xorazm deganda Xorazm lazgisi, Surnay lazgisi, Lazgi raqsini ko’z oldingizga keltirganingizga aminmiz.
Xorazm lazgisi Alloh Odam Atoga jon baxshida etilayotganda tarannum etilgan degan ma’lumotlar bor.
Shuning uchun bu kuy chalinganda raqsga tushib ketmaydigan odam bo’lmasa kerak. Siz lazgi raqsini bilmasangiz ham baribir kuyni eshitiboq beixtiyoriy ravishda o’yinga tushishga harakatga qilsangiz ajablanmang, bu kuy sehrilidir. Ayniqsa, Xorazmliklar shu kuyga raqsga tushganda kuy va raqs bir butun bo’lib xohlagan kishini lol qoldiradi, kuyni tinglab, raqsni tomosha qilib kishi huzurlanadi, ma’naviy ozuqa oladi, xordiq chiqaradi – bu Xorazm lazgisi, lazgi raqsidir.

Lazgi — Xorazm xalq kuyi va raqsi. Kuy kichik muqaddima va 3 qismdan iborat. 6/8 o’lchovli gul ufori usulida ijro etiladi. Raqs sekin va oddiy harakatlar bilan boshlanadi — oldin barmoqlar, bilaklar, yelka va keyin butun tana jonlana boshlaydi. So’ngra birdaniga qo’l, oyoq, tana ishtirok etadigan murakkab harakatlar ulanib ketadi. Kuyning bir qismi takrorlangan holda raqs harakatlari almashib boradi. Kuy xarakteri o’zgarishi va sur’at tezlashishi bilan raqs tobora qizg’inlasha borib, keskin holda tamom bo’ladi. Erkaklar (jangovar va qahramonlik ruhida) va ayollar (lirik, hazilomuz) raqslari farqlanadi. Hozirgi davrda Xorazmda lazgi raqsining 9 turi mavjud bo’lib, ular "Qayroq lazgisi", "Dutor lazgisi", "Surnay lazgisi" va hokazo. Bulardan tashqari, XX asr o’rtalaridan boshlab so’z bilan ijro etiladigan, turli ijrochilar tomonidan yallali lazgilar yaratilgan.
Ushbu ilovada nafaqat Xorazm san`atiga balki butun O`zbek san`atini duyyoga tanitgan mashhur sanatkorlar tomonidan ijro etilgan "Lazgi" qo`shiqlari jamlangan.
Ushbu ilova orqali Qadim Xorazmning azim san`ati va sehrli Lazgining ajib tarovatini ulasha olgan bo`lsak bag`oyat xursandmiz.
Ilova sizga manzur kelsa yaqinlaringizga ham ulashing hamda fikr va mulohazalaringizni izohlarda qoldirishing mumkin.